PARVACHAWM KUM150 TLING IENGTINAM LAWM EI TA?

PARVACHAWM KUM 150 TLING IENGTINAM LAWM EI TA?

(Khawmuol a tha bêknaw leiin Hauthang chu inah a um a.10am vél chun tv a ena.Chulaitak chun an kawt hi mi'n an hung kikri a.) Hauthang:aw,hun g lût rawh. Mawia:e,in um maw? Hauthang:aw,kan um.Iem an ta leh.Hung lëng rawh. (Mawia chu khaw danga skul kai ana,an khuo a hung tlung chauh a na.Thungpha-ah chun an thung a.) Mawia:Tulai in dam maw? Hauthang:aw kan dam.Iengtika lo hung thla che? Mawia:Thawleni khan ka hung tlung. Hauthang:Nang lekhathiem,kan ina dam i hung lêng khiet a.Iem an ta leh? Mawia:Ei khuo kum 150 a tling lawmna ding le inzawmin chanchin ziek ve dingin an mi ti a.Nang thil hre met i tih ka ti a.Ka la hung pan che nih. Hauthang:A ni maw,hre rawm bêk naw lang khawm ei hriet ang ang chu hril tum nawm ei nim. (Mawia chun lekhabu le pen a phawr a) Mawia:Pu Thang,nang ei khuo sattu khu a chanchin i hriet rawn naw maw? Hauthang:Ka hriet rawn bêk nawh.Ka hriet dan chun ei khuo sâttu chu Hauzatawng Keivawm ana.Ama hin ei khuo chauh naw khawm khaw dang sât a nei a.A khaw hming ka zuk theinghil chuh.Chun tuchen hin Aibulon ram a khin "HAUZATAWNG A LAMPÊT" ala um zing a,chu naw khawm Buongpilon a khin "HAUZATAWNG A TUIKHUR" ala um an naw. Mawia:A ni ngei chu tie,ka lo hriet ngai naw a.Chun ka hriet ve dan chun tuita PMS lai sawn "Paite" anlo cheng hlak an ti a.Iengleia anlo insawn am a ni ding maw? Hauthang:An um hlak ngei,chuleia tuchena "PAITE VÊNG" eila ti zing an nawm.An hril dan chun a hma khan mi thenkhatin Hmar le Paite ei buoi ding ti'n anlo hlem a,chuleia inpem vawng ni'ng an tih. Mawia:A pawi ngei.Anleh anni hin ei khuo anla hrietfûk dim maw? Hauthang:Hrefu e!kum 2010 khawm khan Lamka-ah "PARVACHAWM MEET" an neia,Rev.Lalkha mlien khawm a hang thang ve an ti kha tie. Mawia:Chuong a ni chun ei khuo kum 150 tling lawmnaa thang ve dinga fiel chi an ni chu tie maw. Hauthang:Ani takluo ie.Fiel ngei thang an tih. (An titi lai zing chun Hauthang a nuhmei chun thingpui a hung chawi a.Chulaitak chun tuikang nghak naupang ruol an hung inri chum chum a.) Mawia:Iem an ta leh,an ri a va sie de? Hauthang:Naupan g ruol tuikang nghak an ni chu tie.Tui a kang sawt taluo ta a,a buoithlak ngei el. Mawia:Ani ngei,nghawk a um ngei el.kum 150 ei tling ve ta a.Reserved forest hlak indawi na chang ei hriet nawh.Hieng hin chu tui eila nghei el ding a ni hi tie. Hauthang:A ni khawp el.Ei khawtlang thuoitu hai hin tuikhur bula thing phur hih hi nêka nasa lem hin hung khap nawk hai sienla thang a tih. Mawia:Chu naw a khawm,ei vawkhai hlak ei insuo vawnga,êk kara chéng ang el ei nih.Mi pakhat lem chun "Parvachawm chu naupang le vawk ei hriet karthlak thei nawh" a ti hiel an naw,inzak a um rak el anih. Hauthang:A awm tho an nawm.Vawk khum rawt ding ei ti leh 'vawk ei insuo a,hienga khawsa mei mei ei ni hìh' an ti peia.Vawk ei khum chun an tha awl a,bu khawm an henaw lem a na. (Chu zo met chun tlangvâl ha'n whistle an hung mût ri a,ball-pêt dingin field tieng an fe thla hum hum a.) Mawia:Ei khuo tlangval chu ball-pet an taima ngei el. Hauthang:An taima taluo,iengtikla ikhawm an pêt pei rân el a nih.Anachuh,fie ld ei nei tha naw ëm a,a buoithlak ngei el. Mawia:A ni ngei.E,tuta ei thil lawmna dinga hin milien incha inla,field hni ve tawp el inla.Khaw dang hai khawmin an thaw a,field tha taktak ani ve el ana. Hauthang:Thaw ding hun remchângtak ning a ti a. Mawia:Tulai tamtakin,"EI KHAW SÂTTU CHU KEIVAWM HNAM ANA,A THLAHAI INFIMATE ANNI BAWK" an ti a,a ieng lem hi'm an diklem manih. Hauthang:A awm tho an nawm.Anachuh,an dik tlat bawk.KEIVAWM hnam hi Infimate a'nthawka intan a na.Hauchungtuol -in sakei a dum khât hlawk a thata,chu sakei chu ni sari le zan sarih an lawma.An khuohai chun "Khu Keivawmhai Khu!" an ti a.Chutak a'nthawk chun KEIVAWM an hung inti sawng ta a nih. Mawia:(sana a en a)e,alo inhnu ta ngei el.Vawisun chu ka hlawkpui ngei el,thil tamtak ka hriet pha a. Hauthang:Kei khawm ka hlawkpui taluo.Kei khawm theitawpin thang lo lâng ka ta,a hlawk thei angtaka hmang tum ei tih. Mawia:Anleh la zuk inlawi phei phawt ka tih.Bufâk inhnik ta raw. Hauthang: Aw nang khawm bufâk inhnik rawh. (Mawia chu a tin a.Sawtnawte hnung chun tlangval ball-pet an hung inlawi a.Zan inkhawm dar an ri nghal a.) .....A TAWP TAH......,. 18 October at 19:55 ·