Ka Hringnun-2

.......Ka Hringnun-2....... Kum 2000 kum busíklai chun kan ârhai ti em emin an inhrâm a.ka pa'n iem a ti manih zu en rawh ami ti a.ka ti met leiin fe hla-lovin iengkhawm a um nawh ka ti ringawt a.A nakie met chun mupui hi hnuoi a'nthawkin a hung vùong dawka.ka zu en chu kan ârchal laia a lientak hi a thisa'n alo um a.Mu leh an insuol leia sâwl taluo leia thi a na.ka nu'n pressure cooker-in a but-a,a hmin taluo a,a ruhai khawm a hnip vawng el a nih.Busík zo hnungin Pathienni kan hmanga,mazu kuo kan cho laitak vêngtieng a'nthawk mi an hung a.Mi thi ni'n mazu kuo an cho ngai nawh.Ruol-in chuk a cheu an mi ti a.An thangko chu "Hûk,jame-a thi" an ti a.Jame-a chu Pu.Thansang a naupa a na,kan khéltieng lo an nei ve a.A pa'n Pathienni a hmang ve a.'Pu.Thansang chu a naupa a thi a,tap nasa ngawt a tih' kan ti a.kan inlawi chu Jame-a nilovin Lienhlupui alo nilem daih.Lienhlupui chu EAC JB School-a kai ana,a ruolha'n(Hmuokmawi,Malsawm) an tapkhum a.A zinga chu an hming an lâr ngei el.Khanglai khan mak anlo ti vieua,a makna alo um dêr nawh.Mâni ruolhai an thi a,mitthli tla dêrlo chu alo mawinaw lem daih alo nih. 2001 kum a hung inhersuok a,'Muokkawi hnai'-Hmawngzawl lai lovin kan nei a.Bu-tu dingin lovah riek kan tum a.ka u Lalthuoivêl-in ka sang Ropeklien a puoka,kan lo kan tlung vâng chun lam kan-in hmanga.kan lo inripuihai-Pu.Muonsang hai lo tieng kan fe daih a.Sawt deuh hnungin kan tu tieng kan fe chauh.kan lo râlah 'theiba thukthu' a um a,ka nu ha'n an va lova,awmnaw deuhvin amu lien deuh ka dawl a.A mak ngei damdawi mûm chiente khawm dawl theilo ka na.Busîklai 'Búi' kuo kan chova,tawite kan cho hnung chun alo um nghal a.Hmawla kan hawl khawmin kan man thei vak nawh.A mawngtieng kan hawl leh second khat khawm a tling hma'n alu tieng ani nawk nghal hlak.Pakhat kan cho nawk hlak chu a kuo a sei taluo a.Hlam sawm vel kan cho hnung khawmin kan man thei nawh.A kuo alo thup a,kan hmu thei ta rêng rêng nawh.karkhat hnung chun a vüngthar a hung um nawk a.kan cho nawk a,hlam khat vél kan chova,kan la man tho tho. Kum tawp tawm hmarcha lovin kan rieka.ka nu le Pi.Thienghlim hai nupa'n 'Tangkawng' an that a.ka u Darliensang leh kan zu kei a.ka pa'n a mi chanpêk a.A bau kan zuk en chu ruol ni awmtak a lei inkâk alo um a,kan zuk en chieng chu 'Tangkâwng lei' alo ni zing el.Lalthasang le apa an hung a.kan tangkawng sa kan sem a.An lovah kan va léng a.Nga sa kan hme a.Bu kan fâklai tak 'Rangkék' kan khél thingkungah a hung fu a,Lalthasang a pa'n silaiin a zu kâp a.Vangneithlak takin Rangkek chu a kapthla nawh.kan lolamah 'satlum' ek thakna khur a um a.Lova kan fe zatin kan en hlak.Hi kum hin kan lovah mafu kan phun a.A tha ngei el,chul hnung chen khawmin kan la lâk hlak.Zânah 'Behlieng' kungah 'va bûknghâk' a um a.kan zu man tum chu a harh phut a,a vuong hmang daih. Kum 2002 kum chun 'Khankawn' tieng lo kan nei a.Hi kum hin chu a thawk chang po hlo ka thlo ve hlak tah.A kâr leh tin-bawng ka chawi a,bu ka sîk ve hlak.skul ka la kai venaw a.ka nu le pa leh ka sanghai leh lovah kan riek hlak.ka nu le sanghai an inlawi a,ka pa chauh a riek châng ka pa ka ngai bawk.ka sanghai le ka nu ka ngai bawk.Thaw dan ding ka hrietnaw leiin sawt deuh deuh ka nuhai lungril laklaw'n ka siem a,a kar leh ka tap vak.A tawpah ka lan lawi thova,anachuh,ka pa an lang sûng phawt mitthli leh ka thlir hlak.ka uha'n mazu kuo an chova,karkhat hnungin alo in nget vawng.kan lo mawngah vadung 'Serhmun vadung' a um a.Sûn chawlin kan zun hnelin,mautamhlo kan inchie a,nga kan man hlak.kan tuikhur tui a tam bawk.Fûrlai lem chu a kawlvêl pûtnawna a nei nawh.kan kawlkai hai lem chu a tak a tha bawk,bânrêk ruol ruol a na.A zung kuom po an kuo vawng bawk.Busîklai Pathienni kan hmang a,u Hrietsang a rawiin kan ruolhai an hung a.Bupawl in denga kan thaw a,Neisang kan deng tapa,an fe hma po po a tap.Inthim hnungin véngtieng an fe a,an lang thei sûng phawt kan in khékkhum a.Kha zân khan chu ka zui nuom ve ngei el.Busîk zo hnungin kan tu sakah ka pa rawiin mazu kuo kan chova,an tam ngei el.kuo khatah sawmhni lai zet kan man.Kunghmui kârah pakhat alo uma kan hmunaw vâng.

I nuom chun KA HRINGNUN-2 hiDOWNLOAD LA Anachuh,nuom2 a hmang phal an nawh.