Ka Lung D-3

Ka Lung D...p3 Kárthum vêl chun kan chanchin chu kan skula kai chu a hrenaw barh an um ta nawh.Kum chanve exama chun kan pahni'n kan inthung kawp a.Exam dang leh an angnaw ngei el.Ka hmangaitak hma a ziek ding hrietnaw kan lau leiin lekha ka tiem nasa thei ngei el.Zântina khawlai lêng hlak kha khawlaia khawm hmu dingin ka um ta ngai nawh.Ka ruolhai lem chun mak an mi ti rak el a nih.Kan hotupa hin 'LOVE IS POISON FOR STUDENT' a ti hlak a.Ka ta ding ruok chun khêl-let dêr a nih.Ka hmangaitak leiin khawlai lêng mei mei hlak khan khawlai lêng ka tawpsan a,lekha tiem dinga hril hranpa ngailovin zânsawt taktak lekha ka tiem hlak a.Exam hawphur em em hlak le exam-hall-a ziek ding hre ngailo khan exam ka hawphur ngai ta naw a,answer ziek ding invai khawm ka nei ta ngai nawh.Ka ta ding chun 'hmangaina/ngaizawng nei chu damdawi mûm-lien a ni el a nih. Exam kan zo ding ni chun kan hotupa(ka pate) chu kan examna room-a a hung a.Innui pumin 'Exam chu inhawi i ti ngei el,i kawla inthung a hmel a tha bawk a' a hung ti a.Ka zuk tawng ve tawm tak chun ka ruolnu/enchimlo chun 'inhawi ti ngei naw ni'm.Inhawi a ti taluo a,question khawm hrietnaw a nei ngai nawh.A kârchang lem chu answer paper dam a vawr pei a nih',a hung ti a.Kei chun 'a ni ngei,tuta tum bâka exam inhawi hi ka la hriet ngai naw tawp a nih.Ka kuomah khawvêla hmelthatak an thung zing bawk.Ama hma-bula ziek ding hrietnaw kan lau leiin lekha hlak chu ka maksan ngai nawh' ka ti a.Kan pahni chun kan innui a.Kan hotupa chun hril ding hrenaw deuvin a mi en ringawt el a nih.Kan chanchin tukhawm a hrenaw an um naw a,mi hriet inlauva invêng a ngainaw leiin an hawi thei ngei el.Tukhawm kan kârah an tla zep ve ngai naw a,thukhêla an min tum khawmin kan kârah buoina a um ve ngai nawh.Kan in hmangaina'n pâr an suoa,a tak a vulzingna dinga kan hriet leiin kan kârah tukhawm kan hmang ngai naw a.Kan lung awinawna khawm hmaisana inhrilin kan inrem nawk el hlak. Ni khat chu ienga kan inhrillawk khawm nilovin skul uniform kan hâknaw ve ve a.Assembly kan zo hnung chun class-roomah kan hotupa'n ka enchimlo chu alo sawisêl a.Kan skul tin chun lamah inhmaw em em hin ami hung hnawta.A hmel ka en chun a hlimnaw zie le a lungawinaw zie ka hriet nghal a.Asan khawm kan dawn hman hma chun a hung hril nghâl a.Ei hotupa khan 'Nangni hi inngaizawng ti leisekin inthuruolin uniform in hung hâk nawa,hung thaw ngai ta naw ro" a mi ti a.Hienga inti kher hi chu ka lung a awinaw taluo.Nang le hin thilthanaw thaw ka lungril khawmin ka lo suongtuo ngai naw a,nuom khawm ka nuom bawk nawh' a hung ti a.A lungawinaw zie an zawtna nisienkhawm a ruok takin ka lawm ngei el.Kan hotupa'n alo ti dân chu ka lung awinaw thu hril pum chun hadam taka um dingin ka hrila.Thudik chu nang le keiin ei hriet a,a nuom dan dan in lo ngai raw sen.Ei hotupa tawng hin eiin hmangaina hung suk zuol lem sienla ka nuo a.Thil tamtak eila tuok pei ding ana,chuleiin tuor thiem khawm eiin chûk pei a ngai a nih ka ti zo chun ka kuo vawng vawng a. Kan lekha inchûkna bahla pal kan inlau leiin kan pahni chun inhmu ngun bêk bêk lova lekha nasataka tiem ding chun kan in tiem a.Skula inhmu zing hlak ni inlang khawm kan inbiek ngai ta naw lei chun ka khuo a sawt thei hle.Kum khat sung zet chu inhre-ngailo ang elin kan um a.An in le kan in chu kâr hla raklo ana.Kan in a'nthawkin chieng em emin an lang thei a.Nitin hin ka thlier hlak.Thla a hung var chang lem chu ka lekha tiem zovin kan verandah anthawk in sawttak tak ka thlier hlak a.A hma a kan pahni chauva thlavar hnuoi a kan umlai dam.A birthday kan lawn zana an châwrsawnga biethu tin kan sâm hai kha kokîr thei an ta si nawh.Kum tawp exam kan tan ding tûktak chun inhmatakin skulah ka fe a.Ama khawm skul alo tlung charh ana,kan pahni chun kan inthungna ding kan zawng zo chun hmun pakhatah lekha tiem malamin kan inthung a.Kanin biek naw sunga kan khawsawt thu dam kan in hril a.Thla 10 zet titi hmunkhat talo kan ni leiin hril ding kan hriet rawn ngei el.Sawtnawte hnung chun dâr an hung vuok a.Ni danga skul lût hma minute 30 chauh khawm sawt ka ti thei vei leh vawitûk chu a tawi ngei el.Thei sien chu hun chel sawng ka nuom hlak a.Sienkhawm inhawi ka ti lei ringawt a minute khat khawm chel ngir an naw leiin,ditkhawpnaw deuh chun kan lûta.Exam zo hmasa sa innghaka kan ti a..

Download-KA LUNG D-3