Infimate.net

D ecember 31 nisa tlâk tawm chun saktieng kawl sen rienin a khaw êng kang a. Nunghak le tlangval inngaizawng hai chuh kut insuiin hlimtakin an inhmangaina pâr tlanin an lêng sup sup a. Chulai chun nunghak pieng infûk le hmel khawm țha ve tak hi ka kuomah hungin 'I la dam a ni maw? Hmel hriet ngainaw ang el che chun. Thi vanga I damnaw laia nitina ka hung kan hlak che kha I hriet ta naw mawh,' a hung ti a. Sawtmet hnung khawm chun ka la hriet el naw lei chun beidawng hmel deuvin,'I ngaizawngnu khawm I theinghil mawh. Khawlai ei fanga,ruol hai mitmei khawm vèng dêr lova ei um hai dam kha. I mi hriet nuomnaw hrim hrim a nih,' ti'n țap pumin a mi hung kuo a. Hril ding le um dàn ding hrelo chun sawttak ka um a. Minute nga vel hnung chun a ruolhai an hunga,a ruolhai chun mak titakin an mi en ve a. Thil um dân ka hril vawng hnung chun ama khawm chun kan naw zie a hung hriet ta ni ngei a tih. Inphalam takin ngaidam an hni a. A mit meng a ch...

Biek-Inah mipui tamtak hlim deuva an lâm sup sup lai chun an ruolcham chun Khamujamba Leikai tieng chun anlo in rel a.  Ama hmangai em em tu a ruolnu chun fenaw ro ti'n țap pumin thlo sienkhawm dangruol reng an ni nawh .       <p>A kârnawk chun a ruolpa le chun tlangram khuo pakhatah an inzin a. Thil ditumnaw le lungngaina'n an hmaah alo nghak zing hmel reng reng an hriet nawh . Hlim em em chun an ti ..tia. Ram lailung an tlung chun Ruopui Vân -awn a hung súr phut a,an lam hraw chu an hmu hawi ngei ah Mìn in hlamkhat vel a hung kei hmang vawng a. Chuong lam a se ta khawm chun kir reng rel lovin an fepei a. Lam hlak chu alo rinum deu deu bawk . Sawt fêt an fe hnung chun lam lien deuh fai êm êm hi an hmu a,chu lam chu an hraw zet lem chu an khuo le vêng , ruol le pai hai an hrietfûk ta nawh . Ruol t...

Hmar nina indiktak nei,inchûkna tieng khawm mihai anga inchûkna awmtawk inchûk,hnam chungchang hril huna hretak anga hril zung zung thei,puitling sîîk-inkuoi rak tah. Churachandpur-a khawsa-in Parbung umna takngiel khawm an hrietnaw el chu lung a țhawng ngei el.

Ruo a hung sùra,thuomhnaw țawp inlauvin umna ding le insukhulna ding ei zawnga. Ei buoizie milo hmu vawng zingin mi țhangpui lovin an um a. Ruo a chât ta maw,ti charin Raincoat an mi hung pêk chu lawm a umnaw ngei el. Ei huu vawng ta leiin lawm chu hrillo lâk takngiel khawm nuom a um nawh. Ieng angin Raincoat hâk inla khawm a kâwk a um tanaw a,a ni ding po ani vawng tah. Chuong ang bawkin Hremhmuna khun Pathien Thu thi rak khawpin hril inla khawm umzie nei naw ni a. Mihriem umhai khawmin ngai nuomnaw ni hai a,ngai nêk hmanin an lungsen lem a tih. Chuleiin,a hun an khêl hma hin Krista Chanchin la hrelo hai kuomah hin inhriettir vat rawh,inhmaw rawh,hun a bo ding an tah.

Joseph Lalditlien 24th.April.1998 Parvachawm.

Parvachawm Express Parvachawm Rûn Chawmkhawpui Mail Parvachawm Rûn fb group hmun hai le umzie PVCExpress fb page PVCRûn fb page Parvachawm Inpui Mera Blog

Tangkâwng Sä Ka Fâk,Ân Hnik Taluo October,17,2016 K um 2001,October,17 khan Pu.Muonsang ha'n Tangkàwng an vuok hlum a,kan zu keia,a mak bur burh ie. A bau kan zuk kei kàa chuh rûl a um kan tia,kan ti rapthlâk. Kan zuk enchieng chu a lei alo ni a. Amak ngei rûl a ang dân khah. A vun kan inhlip vawnga,a tawl hnungin kan raw a,kan fâk chuh ân hnik taluo....ka chil a pût rak chu tie.

Inkhawmpuia Ka Fe Hmasatakna.January 17, 2006.A vawikhatna di'n E.A.C NSSU,STP conference Parbung-ah kan fea. Khuol kan zin hmasatakna a ni a,Sitam lamah Ruothla a tam bawk,kan dêng puoka,an hawi ve ngei el. Inthim tawmin Parbung kan tlunga,ka ruolhai mi 4 leh SDO office sakah kan tlunga. Inkhawmpuia Ka Fe Hmasatakna January 17, 2006 A vawikhatna di'n E.A.C NSSU,STP conference Parbung-ah kan fea. Khuol kan zin hmasatakna a ni a,Sitam lamah Ruothla a tam bawk,kan dêng puoka,an hawi ve ngei el. Inthim tawmin Parbung kan tlunga,ka ruolhai mi 4 leh SDO office sakah kan tlunga. Inrinni zingkar bu kan zu

A VAN HAWI AWM NGEI June.8th.2016 khan Lamka Țhalai Pawl-in 'Siemthar Nâwkna Camp' an buotsaia,pei bêknaw sa'n kan siem ve a. Camp Kan zuk tlung chu Krista Sandamna beiseia mi tamtak an hung khawm zuk hmu chu lungril ruok a hin hlim a um ngei el. Chulaizing chun a țhen Camp a'nthawk an sung hnung chun Ân taksa châk zawng-ZU an dawn thei tanaw dinga an ring leiin,a tãwpna ding tia tlep tawp tawpa hung dâwn pawl le Camp-a an umsung pova an dâwn ding hung châwi pawl ei zuk hmu chu lunglai a naa. Ami hmangaitu Pa Pathien lung lem chu namênin naa ring a um nawh. Pastor rawiin kawlchawi nun le hi khawvêl khêltienga Ringtuhai hamțhațna ding hai hrilin hohlimna kan nei chuh anhawi ngei el. Biek-In sunga um ni langkhawm Vânrama uma inhriețna'n ami hluosipa,hadam vawng vawng hlak. Lâwm leiin a châng leh țawng theinaw vâng vâng damin ei um nawk hlak. Zâna chun kan zuk zàla,riekna ngailova zál án leiin imu inhnik deuva inh chuh a harsa ngei el. Ka zuk in chuh Ka manga hin mi ta...

Khawvelah Hlimna A Um Nawh [12.Aug.2016,11:20pm] Vawizan thalai kan inkhawm naah pakhat hin,"thil po po hi teplo a ni chun hmatieng thil beisei lovin ei hringnun hmang mei mei inlakhawm a pawi chuong a," ti'n indawnna a hung siem a. Ka lungrilah chun,'A pawi taluo,' ti ngawt hi a hung inlang a. Kan zak deuh leiin ka lungrila inlang hai khawm chu ka hrillang chuong naw a. Kan tin hnung khawm chun a pangngai ngawt chun ami la hluo zing si. Lekhapawi kan indêng khawm chun a bo chuongnaw leiin ka lungrila a pawizie hung inlang ang ang chun ka ziek ta a. Khawvêlah ama anga var le hausa um ta ngailo dinga Bible khawmin alo hril hiel Lal Solomon chun,'Khawvela thil um po po hi teplo vawng a nih,' alo ti a. Ama hi khawvéla um ta po lai chu a varin a hausataka,A nuom nuom thawthei le nei thei a ni a. Nuhmei khawm 1000 lai nei thei hiel a ni bawk. Chuong lawma var le a nuom nuom faa dâwn hlak nisienlakhawm a nunah chun a hlimin a lungawi taktak ngai naw a. A nun cha...

_____________ KA ZUOM LUL NAWH Khawkhat lal nau ka ni a,ruol pâwl ding chu kan vai ngai nawh. Ka fèna tieng tieng bodyguard ka nei zing hlak a. Ka nuom na naah ka fe thei vawng bawk. Lalnau ka ni bawka ni'ng a ta nunghak chu ka hmaah an intlar nghennghuon zing el hlak. Pieng nal taktak,hmelțha le var taktak an ni tawl a. Tha taktak an tam vei leh mi dang an pasie leia mi hrietfûklo khawte nunghak pakhat hin ka lungril a hnè bîk tlat a. Ama hi chu piengnal tak chu an naw a. An harsa leiin lekha khawm an chûk insáng bêk nawh. A mit menghai chun inngaitlawm tak hmel a puta,a hmel ka hmu hin chun ka dam vawng vawng hlak. Sawtmet hnung chun kan hung inngaizawng a,kan hlimin inhawi kan ti thei ngei el. Ama le kan inkawp chu mi tamtakin an mi thîka,ruol nei tam hle inlang khawm ruol ringum chu kan nei tam naw hle. Mi dang dangin kan kâr thu siet dan ding ngawt an ngaituo ni'n ka hriet hlak. Ka pate nau ni bawk pakhat hi ruolțha ka neia,ama kuomah chu ka hmangai le kan chanchin ka hril...

NANG I NI LEIIN KA HMANGAI CHE A. KA HMANGAI LEI CHE'N KA MAMAW TAKZET CHE K a hringnun a hin nang anga ka lunglai kuoitu ka tawng ngai naw a,an um khawm ka phal bawk nawh. Nangma I ni leiin ka Hmangai che a,ka hmangai em lei che'n ka mamaw takzet che a. I thangnaw chun hringnun hi hmang kan zuomnaw a,ka hmang ngam lul nawh. I hmel khawm hmu talova fam-vângkhuo I mi'n lawisan el chun khawvela hin iengkhawm ni nawng ka ta,I hnung zuiin,thlafam vangkhuo inlawi ve naw langkhawm hring zinga hringmi tlingzolovin 'hring zinga thi' ni el ka tih. Nangma ka tawng hlim che khan Ka lungril le thizâm po po hin an theinghil thei naw che a. Mi danghai angin I piengzie mawinaw sienkhawm ka mithai a hin Nang chu khawvel nuhmei po pova mawitak le thatak I ni a. Tukhawm a tlukzotu ding umlo mi fel biek inhawi le hmeltlaih I ni hlak a. Mi'n nangnaw chu nuhmeia nei tlâk an um nawh an ti châng che khan chu kei iengkhawm nilo hi khawvela vângneitakin kan ngai I sawn naw. Tuhin hmelma...

~~~~~~~~~~~~~~~~ LALPAA LAWM "Lalpaa chun lawm rawp ro,ti nawk hlak ka tih lawm ro...",Phillipi 4.4.. A hmasa'n hi thuziek lo tiemtu hai po po 'Kei hi Lalpa-ah ka lawm am?,' tia mani mimal eilo indawn seng nuom a um takzet.. Ei Pathien thu chun 'Lalpaa lawm rawp dingin ami hril a. Sienkhawm harsatna le rinumna dâm,mi hai hmusitna ei tuok hin chu lawm zing a harsa a. Hlawtlingna ei dawng lem hin chu Lalpaa lawm ta nêkin Ama theinghil khawm a awl ngei el. Iengtinam Lalpaa chun lawm zing thei ei ta?,harsatna ei tuoklai iengtinam Lalpa kuomah lawmthu hril thei ei ti leh? Tirko Paula chun "Tlawmtaka um dân ka thiem a,hausaa um dân khawm ka thiem bawk a,thil tinrêng le thil po poa tlai le phîngțama um dân,hausa le tlasama um dân thurûk chu ka hriet suok tah. A mi sukhrâttu Krista zâra chun iengkim ka thaw thei a nih,"(Philipi 4.12-13) alo ti a.Ei ni ngei khawm A mi'n tlantu Krista zâra chun iengkim neitu le thawtheitu hai ei ni a. Isu Krista hminga Pa...

ISU LE CHUN ("Nangni sininrim le phur rik phur po pohai,ka kuomah hung unla,keiin inchâwltir ka ti cheu.,.. Ka rîngkawl chu ân hàwi a,ka phur khawm a zâng a nih," a ta...Mt 11.28,30.) Khawvêla ei um sung chu rinumna le harsatna ha'n mi maksan ngai naw'ng an ta.Mi sawisêlna le hmusitna ei tuok chàng hin chu na deuva zuk dawnlêt khawm nuom a um hlak.Fâk ding ei neinaw a ei châu chàng lem chu ei hmu hmu zuk lâk el nuom a um hlak. Zânkhat chu lir a hung inhnînga,ți em em-in tuolah kan tlan suok a.Chulai chun ka lungrílah 'Iengleia ți a tlan dawk am ka na,' ti'n kan ngaituo a.Chuongchun,3rd January 2016 zâna kan hun hmang dan dam kha ka lungrilah a hung inlang zut zut a.Kha zán khan Pathien hlasakin mi sawmhni vêl Kristmas Hall-ah kan um a.2am vêlin hnuoi khawm a châng hmu thei khawp hielin lir-inhnieng sienkhawm tukhawm thlaphânga buoi kan um nawh.Ți-a buoi nêkin 'Thil iengpo khawm tlung sien ka him a nih.A kutpha ropui chungah,' ti'n kan saka kan ...

ka post-a cømentna hai iem ata exam din hmun hla tak2 a fe angai jie? iegleia a hmun a exam el naw?15 January Lalditlien Joseph Infimate School dang khawm an ni skul bingin centre an nei tawl naw a.anachuh,exam centre fee student ha'n an pêk ve ngai nawh.2014 khan 200 a ngai an ti a,kan pêk chuong nawh.chun ni kum khawm khan Edith ngeiin "admit card le exam centre fee pêk a ngai ding a nih,a lakna'n kan sawl em" a ti a.tukum khawn exam centre fee an dawl rek hmel hih.15 January Edith V Sanate O k ti ngei kei ngei Ebenezer Acedemy ah k hang fe a k pek reng anh in admit card hai kha a thlwna in dong annoh i oinw chun i u bethsy indon roh k fe ni khan k thuoi.15 January Benjmin L Sanate Benja Lalditlien pawlsawm i pass ve cho ani kha, i hritching nuom chun hung rawh.15 January Lalditlien Joseph Infimate hriet ka nei ve nawh.ei ruolhai exam nuom taktak exam theilo an um pha lungsiet an um thei em a.in sukhmingsiet tum leia ka post khawm an nawh.15 January Lalditlien Josep...

Lalditlien Joseph Infimate>‎ PARVACHAWM RÛN KA HRIETTHIEM THEILO Ei khuo chun kum 2014 anthawk ta khan class-x chen exam or inchuk theina skul eilo nei ta a.hotuhai an inpekna le taimakna hai lawm a um takzet.chulai zing chun exam tawm zata student exam theilo dinga hril an um zie hi mak ka ti in hrietthiem harsa ka ti ngei el.kum bul tieng hlak a theinaw dinga inngai hai khawm a thei ding vawng angin a um hlak bawk.tukuma exam theilo dinga an hril-saka lem hi chu skul a kai hlim anthawka ei skula kai an ta na.iem in ngai ve dan? 7 January at 17:30· Ramengmawi Hrangchal Ei khuo a hotu/Head felnaw nilo in board tieng afelnaw na um alo ni kha.8 January Lalditlien Joseph Infimate an leh exam a thei ta dg am?8 January Edith V Sanate Thil hi hriet chieg hma chu trong rwn lo hi atha tak in k hriet..asan chu ei candidate hai buoipui hin imphal voi iegjam ei tlan tlung ve tah ti bek hi ei hriet phak nw chun ei hriet chen a hin lo to phot inla thang atih..Tu thiemnw khom annw a board tieg th...

Hi Dardailo.nth themes hi ka u'n a facebook-a a thlalâk a upload hai hmanga ka siem a ni a.Java phone haia hmang ding bîka siem a nih.

Ka piengchampha 24th.April.2016 mi thuoitlungtu le a naupa dittak ka ni theina dinga a naupa neisun mi petu ei Pathien kuoma chun lawmthu um sienla.Ka hringnun Ama ditzawngin hmang ngai naw langkhawm hriselnaa mi lan thuoma ka hringnun a ditdan anga hmang thei dingin hrâtna'n amin thuom si a. Ama chun ka damsung hin mi thuoipei-in ami vênghim ding a ni si a,chuleiin Ama chu inpâk naw thei ding kan nawh.

Nang Chauh Hmangai Zing Ka Che Ka office kai ka tin a,ka sawl em a,zuk zal hadam met tumin kan zam a.ka in ta maw ti charh chun ka phone a hung inri a,ka thang harh nawk a.ka zuk lâka,'hello', ka zuk ti zo chun...... Khaw hmunkhata um ni un lang khawm,kan naupanglai an'thawka khaw danga um a,skul kai ve ve kan nia.....

AMA(PATHIEN/ISU KRISTA) NAUHAI KONA/TAWNGTAINA A DAWN HLAK Ka lungrilah an lang tlat leiin Pathien ropuina ding chauhvin hung post tawp ka tih. Kum 2005 kum nikhat chu kan tuolah kan inhnel a.Naupang tha inthak-lai tlat chu tiengbãng kha hlen ka nuom ta tlat ela.Ka zuk hlen chu ka che suola,ka kut ka baw el a.Ka nu leh ru-inel siemthiem kan zu pan a.Khawm chun ka kieu kha in sukmarh thei talo.Ka beidawng chun ka pa,"Pa PATHIEN Kuomah tawngtai ta la",ka ti a.Tawngtaina kan nei zo chun ka hadam met ta a. A zinga chun Pu.Raldo hi kan tuola ka umlai a hung a.Râl a'nthawk chun ami hung en a.Ama kha ru-na siem hlak ani le ninaw khawm kan hrietnaw a.Ka kuomah a hung a,"Nang hi I kut hi siem a ngai a ni hih",a ti a.Kan ko khawm ni dêrlovin kâr khat sûng chu zingkar le zantieng zât kan ina hungin ami hung buoipui hlak a.Karkhat hnung chun ka kut ka nuom dan dan in ka hmang thei nawk ta a.Amak ngei el,Pu.Raldo kha lawmman ti a pawisa kan pêk tum khawm khan a lãk nuom dër ...