Lalpaa Lâwm

~~~~~~~~~~~~~~~~

LALPAA LAWM

"Lalpaa chun lawm rawp ro,ti nawk hlak ka tih lawm ro...",Phillipi 4.4..

A hmasa'n hi thuziek lo tiemtu hai po po 'Kei hi Lalpa-ah ka lawm am?,' tia mani mimal eilo indawn seng nuom a um takzet.. Ei Pathien thu chun 'Lalpaa lawm rawp dingin ami hril a. Sienkhawm harsatna le rinumna dâm,mi hai hmusitna ei tuok hin chu lawm zing a harsa a. Hlawtlingna ei dawng lem hin chu Lalpaa lawm ta nêkin Ama theinghil khawm a awl ngei el.

Iengtinam Lalpaa chun lawm zing thei ei ta?,harsatna ei tuoklai iengtinam Lalpa kuomah lawmthu hril thei ei ti leh? Tirko Paula chun "Tlawmtaka um dân ka thiem a,hausaa um dân khawm ka thiem bawk a,thil tinrêng le thil po poa tlai le phîngțama um dân,hausa le tlasama um dân thurûk chu ka hriet suok tah. A mi sukhrâttu Krista zâra chun iengkim ka thaw thei a nih,"(Philipi 4.12-13) alo ti a.Ei ni ngei khawm A mi'n tlantu Krista zâra chun iengkim neitu le thawtheitu hai ei ni a. Isu Krista hminga Pathien kuoma țawngțai-in ei harsatna le buoina hai Lalpa kuomah intlun ei ta,Ama'n mi țhangpui ngei a tih.Ama chu mi rimsie le phurrik phurtu hai ta dinga chawlna hmun a ni si a.

Thil ei tuok taphawt-ah lawm theilo le na ngawi ngawi a ei um hlak hi iengdang lei khawm an naw a. Ei phurrik le harsatna hai a mi sawkzâng theitu kuomah ei intlun ngainaw lei chauh a ni a. Chuleiin tuta inthawk chu ieng anga rinumna le buoina ei tuok khawmin Ama kuomah intlun ei ta. Ama chun mi lo thangpui ngei a tih.... __________________

#.Hi thuziek hi I download nuom chun a hnuoia link khu hmet rawh... ... ...http://space.me/files/view/?Li=3867&Link_id=834681&Lt=1&Read=2197886&Lii=2197886&name=jos5ph&Sn=1

~~~~~~~~~~~~~~~~~