Hmangaina Ringum__by:Darliensang

Hmangaina Ringum

Kum 18 ka ni lai ngaituo chun tu'n chu ka danglam hle el tah.ka mitmeng khawm a dang zova,nitinin road lien tak tak khawm intar takin ka hrâw rawp el.mi'n țawngpawrche hmanga tîtî an sepna tieng chun ka nâ a kap lapa,ka ngaituona pawrche lei chun ka pan rawp hlak.a hmaa perfume rim sie lâwl hlak kha tu'n chu zurimin a lân vawng tah.a hner tlawrsar,a bau sahak ngainobei zeta mi fâwp ngawi ngawi hlaktu Rody fâwp tlâk khawm kan' ta nawh.a sam dum hmak ka chul heu heu hlak chu ka kut hin a tâwk ngam ta naw a.a mit vațhu mit anga invalkieu,a mi mel chânga ka thisen zungzâmhai inhmaw taka an luong zut zutna hlak mit khawm chu en rawp ka phû ta naw hlie hlie. Sienkhawm,ka bulah hungin ka nuomnaw sa'n ka âwmah inbeiin,"U,I la sim thei ti ka hriet. Ka hmangai hi ka chân phal naw a.Vân Pathien kuoma khin a nun sukthieng rawh ka ti rawp hlak," ti'n țap ngâwi ngâwiin hmangaina chu a mi la'n hlân rawp hlak. Nikhat chu ka zu dâwn ka'n rui fûknaw êm leiin kan Pastor kuomah pawisa pûk tumin ka fe hlawl el. Rody'n innui sêiin a mi lo hmuok chu mak ka ti hle. Pastorpa bulah ka ta dinga țawngțaipui dinga lo fe a ni a. Pastorpa chu ka zuk ko binga,"Ka zu inrui a laklâw êma pawisa mi lo inhmangtir rawh" ka ti chu a meng chêng kawk kawka. Rody khawmin a lo hriet chu dang ruollo ding khawpin a mittui a far zawi zawi el! Hunhai liemin nikhat chu thlanmuolah dendrite kan hîpa. A thâwk țha bawk lei chun chung sawrthlapui a hung suoka,ka vuong vêla,thla nei ka'n sawn rak. "Pa thununna hlawlo khawlai nau hi chu ka'n nawh" ti hla dâm a hung inlang vel! Ka zuk har chu vuong nêk nêkin tuihawkkawrah ka lo inlet bul el. Ngairuotna mei mei a lo nih. Chuong laia mi hnâwl lova mi enkawl rawptu,inzak-inphak dâwnlova mi enkawl rawptu chu ka hmangai Rody a nih. Hieng lâwma țha hi hmangaina ringum kawltu ni ngei a tih. Sienkhawm,hieng ang mi hi tawng ve di'n inring naw rawh aw. Inruina di'n thil tamtak ka'n rûk tah a tu'n chu inthâwimihai ka zawm a ngai tah. Thlânmuola chun a dumsuota inthuomin ka zu fe ve a. An thum bul bul el. Ka kut chu âtin ka thisen chu inthâwina'n an hmanga.