A VAN HAWI AWM NGEI

A VAN HAWI AWM NGEI

June.8th.2016 khan Lamka Țhalai Pawl-in 'Siemthar Nâwkna Camp' an buotsaia,pei bêknaw sa'n kan siem ve a. Camp Kan zuk tlung chu Krista Sandamna beiseia mi tamtak an hung khawm zuk hmu chu lungril ruok a hin hlim a um ngei el. Chulaizing chun a țhen Camp a'nthawk an sung hnung chun Ân taksa châk zawng-ZU an dawn thei tanaw dinga an ring leiin,a tãwpna ding tia tlep tawp tawpa hung dâwn pawl le Camp-a an umsung pova an dâwn ding hung châwi pawl ei zuk hmu chu lunglai a naa. Ami hmangaitu Pa Pathien lung lem chu namênin naa ring a um nawh.

Pastor rawiin kawlchawi nun le hi khawvêl khêltienga Ringtuhai hamțhațna ding hai hrilin hohlimna kan nei chuh anhawi ngei el. Biek-In sunga um ni langkhawm Vânrama uma inhriețna'n ami hluosipa,hadam vawng vawng hlak. Lâwm leiin a châng leh țawng theinaw vâng vâng damin ei um nawk hlak.

Zâna chun kan zuk zàla,riekna ngailova zál án leiin imu inhnik deuva inh chuh a harsa ngei el. Ka zuk in chuh Ka manga hin mi tamtak leh kan lo uma. Kan kuomah chun Putar insâng le lien êm êm hin ami zui ve zinga. Amak kha Putar khah insâng hle sienkhawm inbiekpui-in kan inhmai hmatawnpui zing thei tlat chu tie. Sâwtnawte hnung chun ramtin a hung inri a,khawvêl an buoi ngei el. Minute nga vêl chun Nuclear Râlthuom hai chu a hung puoka,hnuoia hringna nei le neinaw po po Vân boruok 150km huolsúnga mi chu pilvutin a hung inchang vawng a. Keini chun mak ti êm êmin kan thlîr a. Hnuoia khan um ve zing ni inlang khawm Nuclear bomb chun ami sukna ve dêr nawh. Bomb puok zo chun khawmuol inthieng êm êmin a hung um a,nisa varh em em le thlapa pahni vara var an um bawk a. Nisa chu var hle sienkhawm thlahai chu an inlang ding a dâl bîk nawh.

Ringtuhai khawm khawvêl a tawpa ei Lalpa'n A kuom tieng ami țhuoi ve pha chun Nisa khawm thlapa pahni hai nêka a vâr bîknaw angin Ei Sandamtu anga siem danglama umin Ama angin varh tâng ei ta. Nuclear bomb-in thil po po a kâng hmât vawng laia Putar pa'n ami umpui leia kan him ang el khan Ei Lalpa Isu'n a mi umpuia a kuom ei tlung pha chun khawvêl buoina,natna,rinumna le harsatna ha'n mi chîm buoi ta nawng an ta. Chu chauh khawm chu nilovin kha Putar Insâng em em hmaìhma tawna kan inbiekpui thei zing ang khan Ei Pathien Iengkim thawthei,Ropuina po po neitu le lalhai Lal chu Ama hmel hmu-in inpâk tâng ei ta. Ieng ang lâwmin am hlimin,inhawi a ta. A VAN HAWI ÂWM NGEI A KUOM EI TLUNG VE PHA CHUN.

#09:29am,14th.August.2016