Ka Lung D~2

Ka Lung D ...p2

kan in mangtha zo chun hmun danga khawm lêng ta lovin kan skul tieng kan fe nghal a.Mangtha min phurtu'n a zir bawk a ni ding ana,thil dang iengkhawm thaw ta lovin ka zâl nghal a. Ka lo hmangai ruok em emin mangtha a min phur a ni bawk a,ka piengtîr a'nthawk ka imu a lan hniktak zan ni'n ka hriet.Zîngkâr ka zuk thova,ni dang nêkin nisa khawm chu a mawilem in ka hriet a.Ka hmu phawt chu mawi em em hin ka hmu vawng a.Ka dam vawng ni'n ka hriet a.Ka lunglai Lalnu ka hmu nawk huna ka um dân ding le ka lungril po po hril dan ding dâm ka ngaituo a.Tu dang khawm ka ngaituo thei ta nawh. 9:am vél chun kan ruolhai an hung a,skul kan sukfai a.kan sukfai zo chun hla an hung play-a kan kut inchel zâwtin kan lâm dup dup a.Ka lungrila ka ngaituo zing hlak 'tha aináwn' chun ami hung chel a,ka mang ka sawn rak el a.Innui sieuvin a ke a zuk thén vel chu a hmu nuom naw hrim an um nawh.Inhawi kan ti tawl bawk a,tawp zai rêng kan rêl thei ta nawh.Sawtmet hnung chun 'LENRUOL KIM TE'N TUON KAN RÊL A,SKUL RÛN-ZÀR HNUOI-AH' ti hla an hung inzâwt a.Tukhawm hlasak thei kan um ta nawh.Kan tap seng a.A thenin mi hriet an inlau leiin an mit rawng dam an in nâl a.A then hnuoia inbuol leh tawp zai rêng kan rêl thei ta nawh.Darkar thum hnung chun kan rêng chun kan rawl khawm a thâm zo tawl ta a.Microphone hmangna ding battery khawm a chau vawng ta lei chun hun suktawp zai kan rêl ta a.Inngai leia inchél sawng a,skula um zing thei an naw leìin kum thar a inhmu tlâng nawk seng dingin kan in mangtha tawl ta a. Kristmas tawm chun hla kan inchûk hlak a.Kan ruolcham chun hla inchùk zo zâtin kan la lêng hlak a.Ka hmu hlima ka hmangai nghal hlak chuh ruol inpawla kan inpawl ta laklaw leiin hril ngam ta lovin ka um a.Kan ruolcham kan hung pung peia.A hawnin khawlai kan lêng hum hum hlak.Chuonglai chun kan ruolpa'n ka ruolnu a ngaizawng a.Kan ruolcham kan hung inthe tan ta a.Kei hlak chun ka lungril ka hril hman ve ta si nawh.Nitin hin kan hung inhmu ta naw deu deu el a.Ka hmu ngainaw po leh ka ngaina hlak chu a zuol deu deu bawk si.Ama kuomah la hril ngainaw lang khawm ka ruolhai chu vawi tamtak ka lo hril hlak ta a.Ni khat chu tuikang kan nghaklai ka enchimlo em em nu chu a ruolhai leh tibur-tui an hmuom ta tlat el.Ka lungril an hawi ta der dâ'l a.Thilthanaw thaw nuom ngailo le Goldy(supari) tak ngiel fa nuom ngailo khan tibur-tui a zuk hmuom chu ka mawphurna ka hlen zonaw lei ni'n ka hriet ta tlat el a.Ka hmangai le ka thai inchang dinga ka lo beisei hlak thilthanaw'n ami suksiet-pêk ding chu ka ngai ngamnaw a.Thilthawnaw thaw ding khawmin ka phal ngai bawk nawh.Kan suom zonaw chun ka va fe a,a bauva a thil hmuom chu ka va hmetdawk-pêk vawng a.Iengkhawm hrillo chun ami en a.Kan ruolhai chun ama chunga ka lungril putzie an hriet vawng ta leiin kan pahni chauhvin an mi fesan a.Ama chun 'iem mi umlai khang khan i thaw a',ami hung ti a.Kei chun 'Asanchuh,ka hmangai em che a nih.Ka hmu hlim a'nthawk che khan ka lo hmangai ta che a.Hieng thil mei mei in i mawina an sukchul el ding chu ka phal thei nawh.Vawi tamtak ka hmangai zie che ka suklang ta a,nang hlak chun i hriet nuom si nawh',ti'n ka lungril po po chu ka hril vawng a.Sawtmet hnung chun a hung tawng suok a.A ni maw,i mi hril hun hi ka lo nghak zing hlak a.Iengkhawm hlak i mi hril ngai si naw a.Fun-night ei nei zân a'nthawk khan ka lo hmangai daih ta che an nawm',a hung ti chu ka halelui vang a.Zuk halelui ding hlak chun fimthaw mi sawn a tih kan lau bawk.Tawng khawm tawng zawm talo chun ka huoisenna po po leh ka zuk kiss ta chawr el a.Ama khawm chun a theitawpin ami dawn lêt ve a.A bieng inno tawt el chu sen phatin a hang innui lem chun kei vâl hin ka hril thiem nawh.Anlo hril hlak 'Lasi vuokthlak' khawm hieng bâk hin mawi bîk dingin ka ring nawh.Ka ta ding chun thil dang po po nêkin thlier an hawiin a mawi lem a.Ama singzotu réng an um nawh.Kan pahni chun ringumtaka um a,hmelma an hrang khawmin tuor hram hram ding le tukhawm ring lova kan pahni chauh thil in hril tawn pei dingin thu kan-in tiem a.In ngai em em in kan kuo a,kan ruolhai khawm kan vêng bîk ta nawh.Inthim tawm chun véng tieng kan hung a.Zâna hla inchúknaa thang seng dingin kan-in fiel a.Lampêt kan tlung chun 'KA LUNG D' hin a rawl mawitakin 'bufâk inhnik ro aw' a hung ti a.Kan in ka tlung chu ka sûngha'n bu anlo fâk charh ana,inhmaw em em chun ka fâk ve nghal a.Vawizán tieng anga ka bufâk inhnik hi ka la hriet ngai nawh.A hmaa ka hme du ngailo khawm chu hre changlovin ka du em em a ka zuk hme chuh ka sûngha'n mak an mi ti ngei el.Ama hmangaina ka dawng ve a'nthawk chun ka thil hmu taphawt hi an mawi em em a.Ka thil thaw taphawt anhawinaw a um naw a.A hmaa tuikang nghak pei ngailo kha tir ngailovin skul tin charin tin ka chawi a,tuikhur ka pan nghal hlak.Skul khawm fe inhma ve ngailo le nitina assembly bunk zie ka ni a.Sienkhawm ka hmangaitak ka hmu nuom leiin inhma taktakin skulah ka fe a.Assembly khawm ka bunk ngai ta nawh.