18th.October

18th October
I hringnun hlimtaka hmang ding le rose-pªr anga vul zing dingin
Ka Hmangaina le ditsakna kan hlan che,

9:am an ri vâng ta a,school an mi lût san el ding anta leiin inhmaw êm êm-in school tieng ka pan a.School kan lút a,class roomah kan lút chu kan thungpui hlak ka ruolnu a hung kai ve naw tlat ela.A kainaw nasan indawn ding ka hrietnaw bawk.Ngai thanaw tak chun nikhat chu ka um tumthla a.A umnaw chun kan teacher ha'n an mi hril khawm ka lungrilah a lút thei hlawl nawh.Kan tin chun ka ruolpa kuomah ka ngaithat naw zie ka hril a.Ka ruolpa chun "lungngai naw rawh,vawizan an inah ei lêng ding an nawm" a mi ti a.Zâna an ina lêng ding chun ka sukthlu ta a.

Zâna chun kan ti ang ngei chun ka ruolpa leh kan zu lêng ta a.A sang leh an pahni chauvin anlo uma.Ama chu a damnaw leiin alo zâl a.Tukhawm vêng ding an um chuong naw bawk a.A zâlna bula chun ka van thunga.Harsa ti em em in tho a tum a,ka phal pêknaw leiin inphalam takin ami en a.Kei dam imi la hrietfûk a,vawisun khan ka nghawk taluo,tukhawm hlak an um naw bawk.Ka hung kai ve naw chu inhawi ti ngawt i tih a hung ti a.A tawng zo chun a sawlzie inhmei ruol an nawh.kei chun a kut ka chel a.I sawl a ni kha hadam rawh.I umnaw chun ei skul chu a re vawng a,iengkhawm an hawi nawh.ka ngai taluo che ka ti a.A na em lei chun tawngsawt pei lovin a mitmeng innêm riei chun a mi en zing a.A um anhawi met hnung chun a in a.Bang-a sanapui ka zuk en chun 11pm alo inri rak ta a. A nuhai lo fe khawm an hung tlung ta bawk leh tin ding chun ka ruolpa leh kan suoksan ta a.Kan tin hnung chun khum chungah ramtin ka ngaituo a.Ka Hmangai tak hin mi maksanin a hmel hmu thei talovin fam mi chang san-in,a sakruong khawm buon ang pawm theilo ding anga ka zuk in ngaituo chu ka in thei rêng rêng nawh.ka lung a hung sa a,ka mitthli dâm a tla.Ka in theinaw lei chun ka thova,calendar ka zuk en chu 18th October a lo tlung nawk vang ta a.18th.october hi ka hmangaitak hi khawvel mawina sukfamkim dinga chun le zuo kara a piengna champha a ni a.Chuongchun,a birthday chu ka thei angtawka lawmpui ding chun kan buotsai a.

18th october a hung tlung a.Zingkâr inhma takin ka thova.Ka enchimlo A birthday lawmnaa ka present ding bazaar-ah ka van chawk a.Skul ka tlung chu a mak ngei el,ka hmu nuom em em le iengtiklai khawm a rawl ka ngai nuom em em hlak kha ka biek ngam ta naw tlat el.Ama hi mi zaksie em em a na.Mi an um chun ami biek hmasa ngai nawh.A ruolhai chu A Birthday lawmna'n sweet a sem a,an hlim ngei el.A ruolhai hlimtaka an um ka en zing lai chun kan class chanpui pasal ka Enchimlo lo beisei ve hlak tupa chu a hung a.A birthday lawmna i chang venaw ni maw?a changtupa ka sawn che a' ami hung ti chu ka lung a sen ngei el.Thaw rak ngaina um bawk lo. Skul kan tin chun a khat chauva antlawn chu ka va fe a.Skul tin a a thaw ding ka van dawn ringawt a.Ka thil indawm khawm mi dawnlêt lo chun "Chaw mi ti ngawt i tih.Nang chu i vângnei taluo.A ngaitu che an tam bawk.Khawvêlah ka vangduoi tak"a hung ti a.A birthday ni taka ka bieknaw lei ni ngei a tih.Sawt met hnung chun puonsawpa a fe ding thu a hung hril a.Kei khawm a puonsawp na tieng ka fe tum leiin Tuikhur Lampét a ka lo nghak ding thu ka hril a,kan in tieng ve ve kan fe ta a.

Inhmaw deuvin kan siem sawk sawk a tuikhur tieng chu ka pan ta a.Sawtdeu ka nghâk hnung chun a la hung naw zing leiin an inah ka hang fe tum a.An in ka tlung hma chun kan tuokpui a.Tuikhur tieng chu kan pan nghal a.Tuikhurah naupang anlo um teuva an milo sawisak chu inzak a um ngei el. Kan insawpna ding kan tlung chun ka theitawk Birthday present ka pêk a.A mit taka enin "Nang anga vangnei nei an umnaw a.Iengtik lai khawm hmangaitu le theinghil ngailotu che i nei an nawm.Chuleiin,h limtakin i nun hmang la sawttak dam dingin ditsakna kan hlan che.Nang chauh hi HMANGAI zing ka che,ka hmangai che" ka ti zo chun ka kuoa,inhawmthaw takin ka fawp vawng vawnga.Chu zo chun innui sieuvin a mi hung ena "kei khawm ka hmangai che" ami hung ti chu ka lungril hi a hlimin paradise-a um ang elin kan hriet.Kum thum lai kan lo inzui ta a.Sienkhawm vawikhat khawm ka hmangai che ami la ti ngainaw leiin awi harsa ka ti a,ka mang ti ding hlak chun ka phal nawa annaw bawk sie.Kan insawp zo chun nisa khawm thlangtien alo tla vang ta a.Ka sana ka zuk en chu darkar nga (5 hours)zet kan lo um tah.Darkar nga sung zet nisienkhawm minutes khat vel chauh ni'n ka hriet a,hun keisei ka nuoma chuh a thei si nawh.Intienga fe ding chun kan insiema,zana thalai hla inchûknaa inhmu dingin kan in tieng ve ve chu kan pan ta a.

Khanglai hun kha ko kir thei sien chu kokir-in nunhlui ngai taplai bang tâng ka tih.

Dedicated to my first love in rememberance of her birthday 18.Oct.